शिर्षक: अपाङ्ग मैत्री आकाशे पुलको योजना: लिफ्ट जडान गर्दै काठमाडौं महानगर
काठमाडौं महानगरपालिकाले अपाङगमैत्री पुल बनाउने लक्ष्यका साथ आकाशे पुलमा लिफ्ट जडान गर्ने भएको छ ।
अपांग तथा वद्धवृद्धामैत्री पुल बनाउने लक्ष्यका साथ महानगरले ३ स्थानका आकाशे पुलमा लिफ्ट जडान गर्ने भएको हो ।
महानगरपालिकाले चाबहिल, नयाँ बानेश्वर र पुरानो बसपार्क अघि (विद्युत प्राधिकरणको केन्द्रीय कार्यालयको अगाडि) रहेका पुलहरुमा लिफ्ट जडान गर्न लागेको हो ।
ह्विलचियर प्रयोगकर्ता, बृद्धबुद्धा, बालबािलका सबैका लागि आकाशे पुल सहयोग गर्न सहज होस भन्ने लक्ष्यसहित लिफ्टको जडान गर्न लागिएको हो ।
आकाशे पुलमा लिफ्ट जडानका लागि अनुमानित लागत ४ करोड रुपैयाँ रहेको छ । कुल बजेट ५ करोड छुट्याइएकोमा ४ करोड रुपैयाँ लिफ्ट जडानाका लागि र अन्य बाँकी रहेको रकमबाट पुलमा सजावट, सुरक्षालगायतका कुराहरु राखिनेछन् । महानगरको नगर प्रहरीअन्तर्गत बिनियोजन भएको बजेटबाट यो योजनालाई अघि बढाइएको हो ।
अहिले कुनै पनि आकाशे पुल अपाङग मैत्री छैनन् ।
