नेकपा माओवादी केन्द्रको केन्द्रीय समिति बैठक बिहीबार बस्ने भएको छ ।
लामो समयदेखि बस्न नसकेको नेकपा माओवादी केन्द्रको केन्द्रीय समिति बैठक बिहीबार साँझ ५ बजे भर्चुअल माध्यमबाट बस्न लागेको हो ।
माघ १२ गतेदेखि २१ गतेसम्म पार्टी कार्यालय पेरिसडाँडामा बसेको स्थायी समिति बैठकले गरेका विभिन्न निर्णयमध्ये भर्चुअल माध्यमबाट केन्द्रीय समिति बैठक बोलाउने निर्णय गरेको थियो ।
स्थायी समिति बैठकले २२ सदस्यीय पदाधिकारी, ४४ सदस्यीय स्थायी समिति तथा ३८६ सदस्यीय केन्द्रीय समिति गठन गरिसकेको छ ।
