शिर्षक: एकैपटक नेपाल आउने ७ सय बङ्गलादेशी पर्यटकलाई पञ्चेबाजा सहित स्वागत
बङ्लादेशबाट एकैपटक करिब ७ सय पर्यटक नेपाल आउने भएका छन् ।
भाद्र १ गते र २ गते गरि फरक फरक विमानमार्फत ७ सय बङ्गलादेशी पर्यटक नेपाल आउन लागेको पर्यटन बोर्डले जानकारी दिएको छ ।
शुक्रबार पहिलो लटमा नेपाल भित्रिने बंगलादेशी पर्यटकलाई पञ्चे बाजा बजाएर स्वागत गरिने बोर्डले जनाएको छ । पर्यटक शुक्रबार बिहान ११ः ३० बजे त्रिभुवन विमानस्थल अवतरण गर्नेछन् । यसै अवसरमा बोर्डले पत्रकार सम्मेलनको आयोजना समेत गरेको छ ।
