रत्न राजमार्गमा डब्बल क्याप हाईलेक्स दुर्घटनामा परेकाे छ
आइतबार बिहान साढे २ बजेकाे समयमा हाईलेक्स दुर्घटनामा परेकाे हाे।
सुर्खेतको भेरिगंगा नगरपालिका छिन्चुबाट वीरेन्द्रनगरतर्फ आउदै गरेकाे बाग्मति प्रदेश ०१०२६ च ९२१३ नम्बरको हाईलेक्स रत्न राजमार्ग अन्तरगत वीरेन्द्रनगर नगरपालिका-११ झुप्राखाेला नजिक दुर्घटना परेकाे प्रहरीले जनाएको छ।
उक्त हाईलेक्स गाडी अनियन्त्रित भई सडकदेखि अन्दाजि ७०/८० मिटर तल खसेको छ।
प्रहरीले घाईतेलाई उद्धार गरि उपचारको लागि कर्णाली प्रदेश अस्पताल सुर्खेतमा पठाएको थियाे।
यस्तै, चालक वीरेन्द्रनगर नगरपालिका-७ बस्ने २७ वर्षीय सागर शाही, दैलेखकाे डुङ्गेश्वर गाउँपालिका-३ बस्ने ३३ वर्षीया दिपेन्द्रजंग शाही, दैलेखकाे भगवतिमाई गाउँपालिका-५ बस्ने ३१ वर्षीय बबिन शाही र दैलेख गुराँस गाउँपालिका-३ बस्ने ३६ वर्षीय राजेन्द्र बि.सीकाे उपचारको क्रममा मृत्यु भएको प्रहरीले जनाएको छ।
साथै दैलेख भैरवी गाउँपालिका-५ बस्ने अन्दाजी २५/२६ वर्षीय बिरेन्द्र राज शाही घाइते रहेकाे र उनकाे उपचार भइरेकाे प्रहरीको भनाइ रहेको छ।
बिरेन्द्रराजकाे छातीमा चोट लागेकाे छ भने उनकाे अवस्था सामान्य बोल्न सक्ने रहेको छ।
