शिर्षक: २५ लाख वा सो भन्दा बढी ऋण लिने व्यक्तीको प्यान अनिवार्य
बैंक तथा वित्तीय संस्थाबाट २५ लाख भन्दा धेरै ऋण लिने ऋणीले अनिवार्य प्यान लिनुपर्ने भएको छ ।
नेपाल राष्ट्र बैंकले शुक्रबार एक परिपत्र जारी गर्दै छुट्टाछुट्टै वा एकमुष्ट २५ लाख वा २५ लाख रुपैयाँ भन्दा बढी ऋण लिनेको अनिवार्य प्यान हुनुपर्ने व्यवस्था गरेको हो ।
गत आइतबार जारी आर्थिक वर्ष २०८०/८१ को मौद्रिक नीतिले गरेको व्यवस्था कार्यान्वनका लागि एक हप्तापछि सर्कुलर जारी गर्दै २५ लाख वा सो भन्दा बढी कर्जा लिने व्यक्तिलाई यस्तो गर्न सुझाएको हो ।
साथै एकीकृत निर्देशनको निर्देशन नं.३ को वुदा नं ६ अनुसार ऋणी एउटै समूह अन्तर्गत पर्ने भएमा त्यस्तो समूहले रु २५ लाख वा सो भन्दा बढी रकमको कर्जा लिएको अवस्थामा उक्त समूह अन्तर्गतको कुनै व्यक्तिलाई रु २५ लाखभन्दा कम रकमको कर्जा प्रवाह गर्नुपरेको अवस्थामा समेत अनिवार्य रुपमा प्यान कार्ड लिएको हुनुपर्ने बैंकले जनाएको छ ।
साथै बैंकले पहिलोपटक घर खरिद वा निर्माण गर्ने व्यक्तिलाई रु २ लाख रुपैयाँसम्म आवासीय घर कर्जामा लोन टू भ्यालू रेसियो बढीमा ७० प्रतिशतसम्म कायम गर्न सकिने समेत बताएको छ ।
