शिर्षक: तुल्सीपुरको गणपति तेल मिलमा आगलागी डेढ करोड बढीको क्षति
दाङको तुलसीपुर–६ स्थित गणपति तेल मिलमा आगलागी भएको छ ।
शनिबार बिहान करिब साढे २ बजे तेल मिलमा आगलागी भएको हो ।
बिहान साढे ४ बजे आगलागी नियन्त्रणमा लिइएको इलाका प्रहरी कार्यालय तुलसीपुरले जानकारी दिएको छ ।
आगलागीबाट दुईतले पक्की भवनमा पूर्णरूपमा क्षति पुगेको र दाल पिस्ने मेसिन तथा तेल मिलमा पनि क्षति पुगेको छ ।
प्रहरीका अनुसार आगलागीबाट डेढ करोड बढीको क्षति भएको अनुमान गरिएको छ ।विद्युत् सट भएर आगलागी भएको हुन सक्ने प्रहरीको अनुमान छ । घटनाबारे थप विवरण आउन बाँकी रहेको छ ।
