शिर्षक: गुल्मीको सिमिचौरमा पहिरोले घर पुरियो
गएराति देखी परेको अविरल वर्षाका कारण गुल्मीमा पहिरोले १ घरमा क्षती पुर्याएको छ ।
रेसुङ्गा नगरपालिका -१० सिमिचौर बाँस खर्कमा बस्ने ४५ वर्षीय धन बहादुर बि.क.को कच्ची घर पहिरोले पुरेको छ । एक तले कच्चि घरमा माथि बाट पहिरो आई एउटा कोठा पुरिएको जिल्ला प्रहरी कार्यालय गुल्मीका प्रहरी उपरीक्षक नविनकिशोर प्रधानले जानकारी दिए ।
प्रहरी उपरीक्षक नविनकिशोरका अनुसार “पहिरोले घर जोखिममा परेको छ । कोठा भित्र रहेको एउटा खाट पुरिएको छ । बिकका ७ जना परिवारका सदस्यहरू अहिले छिमेकिको घरमा आश्रय लिएका छन् ।
निरन्तरको वर्षाले जिल्लाका ग्रामीण क्षेत्रमा सञ्चालन रहेका सडकहरू पनि अवरुद्ध भएका छन् ।
