नेपालमा पहिलो पटक बाहिरबाट आएका मानिस देखि स्थानिय मानिसमा कोरोना सङ्क्रमण, कोरोना सङ्क्रमित सङ्ख्या ९ पुग्यो ।

0
51

काठमाडौं, २२ चैत्र । स्वास्थ्य तथा जनसंख्या मन्त्रालयले नेपालमा थप ती जनामा कोरोना भाइरसको संक्रमण देखिएको जनाएको छ । कैलाली र कन्चनपुरमा थप तीन जनामा कोरोना भाइरस (कोभिड–१९) पोजेटिभ देखिएको मन्त्रालयले आफ्नो फेशबुक पेजमार्फत जनाएको छ ।

मन्त्रालयले लेखेको छ,”कोरोनाको नयाँ तीन जना संक्रमित फेला परेका छन १. मुम्बइबाट फर्किएका कैलालीका २१ वर्षीय पुरूष, २. उत्तराखण्डबाट फर्किएका कञ्चनपुरका ४१ वर्षीय पुरूष, ३. कैलालीको ३४ वर्षीय महिला (यसअघि कैलालीमा संक्रमित भेटिएका पुरूषको आफन्त) योसँगै पहिलो पटक नेपाल भित्रै अर्को व्यक्तिमा कोरोना संक्रमण भएको पनि पुष्टि भएको छ ।”

नेपालमा पहिलो पटक कोरोना भाइरस (कोभिड–१९) को संक्रमण स्थानीयबासीमा देखिएको छ ।

स्वास्थ्य तथा जनसंख्या मन्त्रालयकाअनुसार एक कैलालीकी ३४ वर्षीया महिला स्थानीय हुन् । उनी चौथो संक्रमितका आफन्त हुन् ।

स्वास्थ्य मन्त्रालयका विज्ञ सल्लाहकार डा. खेम कार्कीले अनलाइनखबरसँग भने, ‘चौथो संक्रमित विदेशबाट आएर घर बसेका थिए । ज्वरो आउने लगायतका समस्या देखिएपछि अस्पताल गएका थिए । अहिले उनकै आफन्तलाई संक्रमण देखिनु भनेको कोरोना संक्रमणको लोकल ट्रान्समिसन हो ।’

‘विश्व स्वास्थ्य संगठन (डब्ल्यूएचओ)को प्रोटोकलअनुसार यसलाई कोरोना संक्रमणको दोस्रो चरण मानिन्छ,’ उनले अघि भने, ‘यदि छरछिमेकलाई पनि संक्रमण भएको रहेछ भने त्यसलाई कम्युनिटी (समुदाय) ट्रान्समिसन भनिन्छ ।’

कम्युनिटी ट्रान्समिसन महामारी पूर्वको अवस्था हो । त्यसैले नेपालका लागि यो साता निकै महत्वपूर्ण हुने मन्त्रालयका विज्ञ सल्लाहकार डा. कार्कीले बताए ।

यसअघि नेपालमा देखिएको ६ वटा संक्रमण विदेशबाट आएकाहरुमा मात्र देखिएका थिए ।

प्रतिक्रिया दिनुहोस्